Chit-keng Sin Kū-chhù | 這間新舊厝 [Tâi-gí gí-im | 台語語音]
[舊版語音: https://www.youtube.com/watch?v=F7hOnQu0hfA]
--
Goán bé chi̍t-keng kū ê chhù, goán lâm-pêng-iú chham góa. I hū-chek kái-chō keh-keng -- chhin-chhiū kóng, kā chàu-kha kái-chò khùn-pâng, iá góa sī hū-chek thiah-tiāu kū-ê piah-chóa. Chêng-jīm chhù-chú kā só͘-ū-ê PIAH hām THIAN-PÔNG lóng tah piah-chóa! Thiah piah-chóa chin hùi-khì, m̄-koh mā chin hó-sńg. Góa kah-ì thiah tōa-tōa-tè, ká-ná thiah ji̍t-thâu pha̍k-siong ê phôe-hu án-ne. M̄-chai lí sī-m̄-sī ē chhiūⁿ góa án-ne teh sńg, tī tn̄g-khì í-chêng thiah lú tōa-tè lú hó. Múi ê pâng-keng tī bó͘ chi̍t-ê piah-kak ê piah-chóa ē-bīn, lóng ū chi̍t-ê lâng-miâ hām ji̍t-kî.
Góa chiâⁿ hòⁿ-kî, ū chi̍t-àm, góa google /gú.glo/ kî-tiong chi̍t-ê lâng-miâ, hoat-hiān he sī sit-chong ê lâng, sit-chong ê ji̍t-kî tú-hó sī piah-chóa ē-bīn ê ji̍t-kî! Keh-ji̍t, góa kā só͘-ū ê lâng-miâ hām ji̍t-kî lia̍t-chò chi̍t-ê pió. Khak-khak-si̍t-si̍t, múi chi̍t-ê miâ lóng sī sit-chong ê lâng, ji̍t-kî lóng ha̍h. Goán sûi-khì pò-kèng, in phài chi̍t-cho͘ hêng-kèng lâi. Góa thiaⁿ-tio̍h kî-tiong ū-lâng kóng, “hmh, he sī lâng.” Lâng? Siáⁿ sī lâng? “Sió-chiá, lí ùi piah-téng thiah-lo̍h-lâi ê mi̍h-kiāⁿ khǹg tī toh? Lí thiah-ê che m̄-sī piah-chóa.”
--
阮買一間舊 ê 厝, 阮男朋友參我. 伊負責改造隔間 -- 親像講, kā 灶腳改做睏房, iá 我是負責拆掉舊 ê 壁紙. 前任厝主 kā 所有 ê 壁 hām 天篷 lóng 貼壁紙! 拆壁紙真費氣, m̄-koh mā 真好耍. 我佮意拆大大塊, ká-ná 拆日頭曝傷 ê 皮膚 án-ne. M̄ 知你 sī-m̄-sī 會像我 án-ne teh 耍, tī 斷去以前拆愈大塊愈好. 每个房間 tī 某一个壁角 ê 壁紙下面, lóng 有一个人名 hām 日期.
我 chiâⁿ 好奇, 有一暗, 我 google /gú.glo/ 其中一个人名, 發現彼是失蹤 ê 人, 失蹤 ê 日期 tú 好是壁紙下面 ê 日期! 隔日, 我 kā 所有 ê 人名 hām 日期列做一个表. 確確實實, 每一个名 lóng 是失蹤 ê 人, 日期 lóng 合. 阮隨去報警, in 派一組刑警來. 我聽著其中有人講, “hmh, 彼是人.” 人? 啥是人? “小姐, 你 ùi 壁頂拆落來 ê 物件 khǹg tī toh? 你拆 ê 這 m̄ 是壁紙.”
--
We bought an old house, my boyfriend and I. He's in charge of the "new" construction – converting the kitchen in to the master bedroom for instance, while I'm on wallpaper removal duty. The previous owner papered EVERY wall and CEILING! Removing it is brutal, but oddly satisfying. The best feeling is getting a long peel, similar to your skin when you're peeling from a sunburn. I don't know about you but I kinda make a game of peeling, on the hunt for the longest piece before it rips.Under a corner section of paper in every room is a person’s name and a date.
Curiosity got the best of me one night when I Googled one of the names and discovered the person was actually a missing person, the missing date matching the date under the wallpaper! The next day, I made a list of all the names and dates. Sure enough each name was for a missing person with dates to match. We notified the police who naturally sent out the crime scene team. I overhead one tech say "yup, it's human." Human? What's human? "Ma'am, where is the material you removed from the walls already? This isn't wallpaper you were removing."
--
//
No comments:
Post a Comment